باریش

گل اوتور بیر چای ایچه ک سنله سؤزوم وار سن دانیش من ائشیدیم باللی دوداقینده گؤزوم وار

گل اوتور بیر چای ایچه ک سنله سؤزوم وار سن دانیش من ائشیدیم باللی دوداقینده گؤزوم وار

پیوندها

"آمما منده ن ساری، سن آرخایین اول شانلی سهندیم

دلی جئیرانلی سهندیم

من داها عرش علا کؤلگه سی تک باشدا تاجیم وار

الده موسی کیمی فرعونه قنیم بیر آغاجیم وار

حرجیم یوخ، فرجیم وار

من علی اوغلویام آزاده لرین مرد و مورادی

او قارانلیقلارا مشعل

او ایشیقلیقلارا هادی

حققه ایمانه مونادی

باشدا سینماز سیپه ریم، الده کوتلمز قیلیجیم وار"

بویوک روحا صاحیب اولان اینسانلاردا چوخ موحکم بیر ایراده و دایانیش گؤستریشی وار. اوستاد شهریارین سهندیه سینین هر بیر میصراع سی منیم عالمیمده بیر اعجازدیر. البته ادبی باخیمدان بو باره ده چوخ یازی لار یازیلیب آما بو اعجازلی سؤزلرین بیزه اولان مئساژی باره ده یئری وار دانیشاق. شعیرین بو آخیر تیکه سینده شاعیر اؤزوندن بیر سینماز ایراده و دایانیش روحی گوسترمک ده دیر:

" آمما منده ن ساری، سن آرخایین اول شانلی سهندیم، دلی جئیرانلی سهندیم"

و اؤزوندن آرخایین اولماسی نین ندنینده باشیندا اولان بیر تاجدان بیلیر کی عرش علا یاخود ائله تانرییا عاید اولان عالمه پادشاهلیق تختینین کؤلکه سی کیمی دیر، یعنی شهریار اینسانین عظمتین او قدر یوکسک یئره آپاریر کی اونا تانری یا باغلی بیر پادشاهلیق تاجی وئریر  کی منجه بو شاهلیق تاجی ائله اوستاد شهریارکیمی بویوک اینسانلارین معنوی مقامینین سمبولی دیر، یا الینده بیر آغاج ویا سیلاح وار کی حضرت موسا نین الینده اولان او موجیزه لی آغاجا باغلاییر کی اونونلا فرعونا قنیم اولور یعنی شاعیر اؤز اعجازلی هونرین بیر پیغمبر موجیزه سینه اوخشادیر کی قادیردی اونونلا فرعون کیمی ظالیملره قنیم اولسون. و بئله لیک له شعیرین و شاعیرین نه قدیر تاثیرلی و اونملی اولماقین گؤستریر و یا او اؤزونده اولان بو دایانیش  روحین علی بالاسی اولماقیندا بیلیر کی تکجه مسلمانلارین یوخ بلکه بوتون آزاده لرین کیشیلیک سمبولی و مورادی دیر:

" او قارانلیقلارا مشعل، او ایشیقلیقلارا هادی، حققه ایمانه مونادی"  

شعیرین بو قیسمتی کی دوغورداندا هر اینسانا اومود یارادان و روح وئره ن بیر سؤزدور:

"باشدا سینماز سیپه ریم، الده کوتلمز قیلیجیم وار" 

  بیر اینسان بو سؤزو یارادیب و دییه بیلرکی بیر خیالا گلمز ایراده یه صاحیب دیر و ایناندیقی یولدان اونو قایتارماق اولا بیلمز. بیر هؤنره صاحیبدیر کی فرعونه قنیمدیر وبیر مقامه کی پادشاهلیق درجه سینده دیر وبیر لیدر واردیر کی بوتون دونیا کیشیلرینین رهبری دیر. بویله بیر عظمته صاحیب اولان اینسان البته کی سینماز  سیپر و کوتلمز قیلیچا صاحیب دیر. عمومیتله شاعیرلر و خصوصن اوستاد شهریار بیر لطیف و حساس روحا صاحیب اولوبلار و بیز شهریاری اؤز شعیرلرین اوخویاندا آغلاماق حالیندا گؤرموشوق. میثال ایچون خان ننه نی و یا بلالی باشی اوخویاندا.   شاعیرین بوردا آغلاماسیدا اونون روحونون قووتیندن نیشاندی، یعنی بو آغلاماق اونون نئچه ایل لر قاباق اولن خان ننه سیله باغلی اولان عاطیفه سین گؤستریر و یا بونا تای اونون قیریلماز بیر عاطیفه باغین وفات ائتمیش خانیمینا گوسته ریر. دئمه لی شاعیرلرین آغلاماسی اونلارین ضعیف اولماسی آنلامیندا دئییل و عکسی حالدا اونلارین بویوک لیقین  و گوجلی اولماقین گوسته ریر، نیه کی چوخ شاعیرلر و اوجومله دن اوستاد شهریار ظالیم لره خیطاب ائدنده بوتون گوجلریله دانیشیبلار و اونلارین بیر قدرتلی حاکیمه قارشی دئدیکلری شعیرلرده قورخودان بیر نیشانه یوخدور. میثال ایچون بیز شهریارین بیر فارسی شعرینده گؤروروک کی بو اینسان نه قدر قورخماز و جرات لی بیر اینسان  ایمیش و نه سؤزلرله بیر ظالیمه کی اونون وارلیقلارینا توهین ائدیر، خیطاب ائدیر.   بیر هویتلی و اؤزون تانییب و بیلن شاعیر و یازیچی بئله اولمالی دیر. اؤز وارلیقین ویاخود کیمیگین بیله و اونلارلا عاطفی باغلانتی لار گوجلندیرمه لی دیر اویله کی اونلارلا آغلاییب و گولسین و ایل لر بویو اونلاری یاددا ساخلاییب و اونلارا توهین ویا تحقیر قصدیله ال اوزادانلارلا  بوتون گؤجیله خیطاب ائله سین و بیز بو دیرلی خاصیت لری اوستاد شهریارین اؤز شخصیتینده گؤروروک.
موافقین ۰ مخالفین ۰ ۹۳/۰۸/۳۰
باریش

نظرات  (۰)

هیچ نظری هنوز ثبت نشده است

ارسال نظر

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی