باریش

گل اوتور بیر چای ایچه ک سنله سؤزوم وار سن دانیش من ائشیدیم باللی دوداقینده گؤزوم وار

گل اوتور بیر چای ایچه ک سنله سؤزوم وار سن دانیش من ائشیدیم باللی دوداقینده گؤزوم وار

پیوندها

گؤز للیک ندی؟

پنجشنبه, ۲۰ آذر ۱۳۹۳، ۰۵:۳۱ ب.ظ

مندن سوروشسالار" دونیادا ان عجایب شی ندی؟" من هئچ دورمادان دئیرم;توپراق! چون بو توپراقدان میلیونلارجا جانلی یاشاییشا آیاق قویورلار، هر بیر طوردن میلیاردلار جانلی یارانیر، هر بیرینین باشقا طورلرله یاخود اونلارا تایلارلا مینلرجه فرقلی صیفت لری وار.  مندن سوروشسالار" بو عجایبین ایچینده ان عجایب جانلی نه دی؟" من دئیرم;اینسان. چون بو توپراقدان یوزلرجه بویالی یا مینلرجه آیری دیلده اینسانلار یارانیر. دونیانین چشیتلی بؤلگه لرینده هر رنگدن،هر دیلدن اینسانلار یاشاییشلارینا دوام ائتمکده دیلر. بیز دونیانین باشقا یئرلرینده نچه دیلده، بویادا یا سیماده اینسانلاری گؤروروک آمما قارا، آغ،ساری یا قیرمیزی دریلی اینسانلاردا هامیسی بیرجور قارا،آغ،ساری یا قیرمیزی دریلی دئییللر;یعنی هر بیر آدامین دری بویاسی باشقالاریلا فرقلی دی.   دیل باره سینده ده بو دییشیکلیگی گؤره بیلیریک. دونیادا یوزلرجه تانینمیش دیل وار، هر بیرینینده نچه دئییش(لهجه) لری وار یعنی هئچ اینسانین دئییشی باشقاسیلا تامامیله بیر دئییل. اینسانلارین ایچری لری،اونلارین معنوی دیرلری، داورانیشلاری یا فیکر یوللاریدا بیردئییل.

آمما بو قدر فرقلی اولماق نه ایچون دی؟ منجه بو جور به جورلوق اولماسا، یاشاییش بیر آن دوام ائتمز. یاشاییشین سیرری بو تفووتلارین اولماسیندا گیزلنیب. اینسانلار یاشاییشین هرزادیندا بیر دئییللر. میثال ایچون اونلارین یئمک ایستک لری  یا ایشتاهلاری بیر دئییل. بیر اینسانین ان سئودیگی قیدا بیر یئملی اولور آمما باشقاسی او یئمگی گؤرنده، اورگی بولانیر. واقت اولور اینسانلاری چوخ عاقیلا گلمز زادلاری یئینده گؤروروک; میثال ایچون بیر آدامی گؤردوم قاشیق قاشیق آجی بیبر توزی یئییردی، سونرا دا خارتاخارت بوز گمیریردی یا اینسانلار گؤروروک شوشه نی قت کیمی گمیریرلر آمما بو زادلارین چوخ آزیدا بیر باشقا اینسانین اؤلومینه ندن اولا بیلر. دونیادا هامی اینسانلار هر یئمگی سئومکده بیر اولمورلار، هئچ بیر یئمک  یا مویوه ده یوخدور هامی اونو سئومه مکده بیر اولسونلار. اینسانلارین فیکر دوشونجه لریده اولدوقجا تفووتلی دیر. هئچ ایکی اینسان دونیادا بیر دوشونجه ده اولا بیلمزلر. اینسانلار آراسیندا یاخجی  یا پیس معناده عیبارتلر ایشله نیر آمما بونلاری تعریفله مک چوخدا آساد دئییل، چون "یاخجی"  یا "پیس" هر اینسانین باخیمیندا بیر دئییل; آدام وار کت شالوار گئییب کراوات باغلاماقی یاخجی بیلیر،آدامدا وار دیزی یا بودی ییرتیلمیش لی شالوار گئیمگی یاخجی بیلیر!  آدام وار موسلمان اولماقی،آدامدا وار کریستیان اولماقی یاخجی بیلیر. دئمگیم بودور;اینسانلارچوخ قبول اولموش مفهوملاردادا باخیشلاری اولدوقجا فرقلی دی. میثال ایچون هر اینسانین تعریفی عدالتدن بیر دئییل.

اینسانلار آراسیندا اولان دیل آیریلیقیدا ائله گؤزدن گئچیرتملی بیر مئوزودی. باشقا تفووتلار نجه یاشاییشین سیرری دی،ائله دیل فرقیده یاشاییشین سیرلریندن بیری دیر. اینسانلار باشقا دیل لرده دانیشارلار;تورکجه،اینگلیسجه،عربجه،آلمانجا و سایر، آمما بیر دیلده دانیشانلارین میثال ایچون تورک دانیشانلاریندا دیل لری اولدوقجا تفووتلی دیر; دئملی بشرین قبول اولونموش عیبارتلریندن  ”گؤزل یا گؤزللیک" منیم فیکریمجه ائله بو آیریلیقلارین اولماسی دی;گؤزللیک یعنی تفووتلارین اولماسی، اونلارین گؤیچک گؤرونمه سی.

آمما  مندن سوروشسالار" اینساندا اولان عاقیلا گلمز صیفت لردن بیری ندی؟" من دئیرم ;اینسانلارین بو فرقلری گؤرمه مکلری، بیرده هامینی اؤز دیل لرینه  یا دوشونجه لرینه چئویرمه آرزیلاری!

 بؤیوک اینسانلاردان بیر نچه فایدالی سؤز:

"من نه قدر تیکرار ائله ییم هئچ زاد بیلمیرم! نچه دونه تیکرار ائله ییم هئچ کیم هئچ زاد بیلمیر، چون  بیر کس بیر زاد بیلسیدی بوراکیمی بوتون بیلمه لی لری هامییا دئیردیلر، هامی اینسانلاردا سیررلریندن آگاه اولاردیلار. بیز یارانیشدان، دونیانین سیرلریندن فیکریمیزه گلنلری بیلیریک." موریس مترلینگ

"من یالنیز بیر زاد بیلیرم;اودا منیم هئچ زاد بیلمه مگیمدی."سقراط

"اینسانلارین بیر عیبلری بودی:هر کس ایستیر یاراتسین،آما هئچ کس یارانمیش لاری  ساخلاماق ایستمیر."کورت وانقوت

"بو دونیادا هئچ بیر تیکانلی اوت یا هئچ بیر بویا یوخدور بیزی شاد ائتمک ایچون یارانماسین."جان کالوین

"بیرهونر اهلینین ایشی گؤزل یاراتماقدیر آمما گؤزل ندی بیر باشقا سورودی."جیمز جویس

 

 

 

موافقین ۱ مخالفین ۰ ۹۳/۰۹/۲۰
باریش

نظرات  (۱)

۲۰ آذر ۹۳ ، ۱۷:۴۳ امین کوهرو
اربعین یعنی وقتی زنگ کاروان عشق بر می‌خیزد، برخیزی، بهانه نشناسی و با حسین تا حسین سفر کنی. عاشقانه از کربلا بگذری تا عاشقانه کربلا در تو بگذرد...
______________
فرا رسیدن اربعین حسینی را تسلیت عرض میکنم...
با "اربعین شقایق ها" به روزیم...
یـ علی مدد ـا

ارسال نظر

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی