باریش

گل اوتور بیر چای ایچه ک سنله سؤزوم وار سن دانیش من ائشیدیم باللی دوداقینده گؤزوم وار

گل اوتور بیر چای ایچه ک سنله سؤزوم وار سن دانیش من ائشیدیم باللی دوداقینده گؤزوم وار

پیوندها

۴ مطلب با موضوع «گولمه جه لر» ثبت شده است

آغزیما قاخ قویدولار آللاه قولو!

آللاه قولو عمی ایله گول بادام خالا گئچمیشین خوش بخت ار آروادلاریندان ایدیلر. یوخسول اولماقلارینا باخمایاراق ائولرینده شادلیق شنلیک و خوشدیللیک وارایدی. گول بادام خالانین شیرین شیرین ناغیللاری شعرلری، سؤزلری کند اوشاقلارینین دیلینده آغزیندا ایدی. گونلرین بیر گونو بیر قیش گئجه سینده بو خوش بخت عایله گول بادام خاتینین ایستی  تندیرینین اوستونده قورولان کورسو سینین قیراقیندا یاتارکن ایکی اوغرو گئجه نین قارانلیقیندان فایدالاناراق آستا جا و  سس سیزجه بونلارین ائولرینه گیرمیشدیلر. اوغرولار بو یوخسول ائوین بوجاقلارین تاقجا لارین آختارارکن گول بادام خاتین آیاق سسی ویا خود بیر شیققیلتی سسینه یوخودان آییلیب  گؤز آچیب  اوغرولاری گؤرنده قیشقیریب های سالماق یئرینه فیکریندن فایدالاناراق  ایسته ییر بیر عقیللی یول تاپیب اوندان بیر آز آرالی یاتان آغیر یوخولو آللاه قولونو آییلتسین. گول بادام خالا هئچ آییق اولدوغون بیلدیرمه دن یاسدیغین اوسته باشین اویان بویان ائله یندن سونرا اوجا سسله خورولداماغا باشلامیشدیر بلکه بئله لیکله آللاه  قولو عمی نی آییلتسین. اوغرولار  گول بادام خالانین خورولداماسینین سسیندن ال آیاقلارین ایتیرمیشدیلر نیه کی هر آن آللاه قولو عایله سی یوخودان آییلیب و اونلاری یاخالایا بیلردیلر. اوغرولاردان بیری گول بادام خالانین خورولداماسین کسمک اوچون گول بادام خالانین یئر یئیینتی تورباسیندان بیر اریک قاخی گؤتوروب و گول بادام خالانین آچیق آغزینا آتمیشدیر. بو حالدا گول بادام خالا سانکی یوخودا ساییقلاییر کیمی اوجا سسله سؤیله ییر: آغزیما قاخ قویدولار آللاه قولو! آغزیما قاخ قویدولار آللاه قولو!" اوغرولار گؤرموشدولر ایش بیر آزدا کورلاندی و اونلاردان بیری تئزلیکله  قاخی گؤل بادام خالانین آغزیندان چیخارمیشدیر. بونونلا بئله گول بادام خالانین ساییقلاماسی دایانمامیشدیر  و یئنه ده اوجا سسله سؤیله میشدیر:"ایسلاتمیشدیم چیخاردیلار آللاه قولو! ایسلاتمیشدیم چیخاردیلار آللاه قولو!" و بونو دؤنه  دؤنه  تیکرار ائله میشدیر. اوغرولار ایشی بوجور گؤردیکلرینه گؤره گؤتوردیکلریله بیرگه ائودن چیخماغا چالیشمیشدیلار آنجاق گول بادام خالانین فیکری فایدالی اولوب و آللاه قولو و عایله سی  یوخودان آییلیب و اوغرولاری گؤروب یاخالامیشدیلار. گول بادام خالا اوغرولارین یاخالانماسینایاردیم ائله یندن سونرا  قوشماسینین دالینی کسمه ییب و اوغرولارا بوجور سؤیله میشدی:
اوغرولارین اللرینی کسگیلن
اؤزگه مالین ساتدیلار آللاه قولو
بئله لیکله اوغرولار بیلمیشدیلر کی گول بادام خالاخورولدایاندادا ساییقلایاندادا اویاق ایمیش و بو یوللار ایله یاتانلاری آییلتماغا چالیشیرمیش.
30دی ماه 93   (باریش)
۰ نظر موافقین ۰ مخالفین ۰ ۳۰ دی ۹۳ ، ۱۴:۳۰
باریش

قلئچی مورتوض اورت باسدیر ماحالینین ان بؤیوک یازاری "گولمک دن آغلا" کیتابیندااااا یازیر کی بیرگون شیخ آقا جانابلاری طهرات درسی وئریردی. جاببارینان غاففاردا یان یانا اوتوروب فیض یاب اولوردولار. جاببار بیر کلمه نی شیخ آقا جانابلارینین سؤوزلرینده باشا دوشموردی. اودا چوخ باغیشلایین هااااا "مقعد" سوزایدی. جاببار غاففاردان سوروشدو: غاففار، "مقعد" یانی نمنه؟ غاففار دئدی:مقعد یانی گؤتداااااا جاببار تعججوب له دئدی: باه آتونان شیخ آقا سن نه یامان آدام سان! هئچ من ایندی یه کیمی مقعد آدیندا گؤ... ائشیتمه میشدیم!!

۰ نظر موافقین ۰ مخالفین ۰ ۱۰ مهر ۹۳ ، ۲۳:۳۵
باریش

هیدایت سربازچیلیق واقتینا کیمی کتدن ائشیگه چیخمامیشدی. سربازچیلیقا آدی چیخدیقینا گؤره هیدایتی کندین آداملاری ییغیلیب یولا سالدیلار. قدیم سرباز گئدنی دوغرو دوزگون مراسیمله یولا سالاردیلار. آنا باجی آغلاشاردیلار. دئملی هیدایت ده گؤزی یاشلی کتدن آیریلیب و شهره دوغرو یولا دوشدو. هیدایت بیچارا کی بورا کیمی کندین قالاخلاریندان و زیغ دیوارلی داملاردان سورا بیرزاد گؤرمه میشدی، شهر شولوخلوقون و تزه زادلاری بیردن گوردوقونه گورا لاپ جایماغا باشلامیشدی وائله شهره آددیمین قویاندان دولاشیق دانیشماقا باشلادی. ایشین ترسه سی  سربازلاری بؤلنده، بونو فارس بولگه سینه گؤندردیلر. بئش آلتی آی سونرا هیدایت ایزین آلیر گلیر تبریزده قوهوملارین بیرینین ائوینه. گؤرورلر او داها تورکی دانیشمیر و فارس دانیشیر وتورک دانیشانلارادا جاواب وئرمیر سانکی تورک دیلین هئچ بیلمیر. قوهوم اقربالر ییغیلیب لار هیدایتین باشینا، چوخودا فارسی بیلمیرلر و هیدایت له ایشاره ایله زادلا دانیشیرلار. بونا بیر دیلمانج قوشورلار کی کنده آپارسین. آوتوبوسدا هیدایت یاشیل بوغدا زمی لرین دیلمانجا گوستریر و دئییر:"اینا چی هستن؟" میللت بوتون گولوب ودیلمانجا دئییللر: بو بیچارا فارسلار بوغدا دا بیلمیرلر نه دی، بس بولار نه ییییرلر؟!

خیلاصه هیدایت دیلمانجلا کنده یئتیشیرلر. های دوشور هیدایت سربازچیلیقدان گلیب. دوران دورماز هامی گئدیرلر هیدایتی گؤرمه گه. هیدایتین  قاباغینا بیر داوار کسیب وهای کوی اویناماق گولمک له اونو آپاریب یوخاری باشدا اوتوردورلار، دالیسینا دایاناجاق، بؤیرونه یاسدیق قویورلار. کندین بویوک باشی هدایته خوش گلدین دئییب و اونون کئفین سوروشور. هیدایت اؤز دوتور دیلمانجا ساری وفارسی قیریلدادیر. میللت گؤروللر دیلمانجلا هیدایت بیر بیرینه بیر شی لر لوغالاشدیریرلار. سوروشورلار مسئله ندی؟ دیلمانج جریانی تریفله ییر.  بو کندین کاتداسی دئییر: سیز دوزون، من بونو دیله گتیرمگی بیلیرم. کاتدا باشلییر یاماندان زاددان بونا آتیشدیریر. میللت گولماقدان ییخیلیرلار آما هیدایت سانکی هئچ نه آنلامیر و یالنیز تاماشا ائدیر!

هیدایتین آناسی داوارین اتیندن بیر آز پیشیریب و بونون قاباغینا قویاندا، هیدایت آناسیندان سوروشور:"مادر این چیه؟!" یازیخ آنا آغلیا آغلیا دئییر:هیدی بالا اچجییه.  سونرادا دئییر : بالام دیللی گئتدی، دیلسیز گلدی!!

هیدایت ایزین گونلرین بوتون فارسی دانیشیر و دیلمانج اونون سؤزلرین چئویریر. ایزینلی گونلر قوتاریر و او گینه ده فارس بؤلگه سینه گئدیر. آما بو سفر سربازچیلیقی قورتاریب قاییداندا گؤرورلر هیدایت تورک دانیشیر. آناسی سئوینیب دئییر آللاه نزیریمی قبول ائله ییب، بالام بو سفر دیللی گلیب!! او زاماندان بئله هیدایتی فارس دانیشاندا هئچ کس گؤرمه ییب.

۱ نظر موافقین ۰ مخالفین ۰ ۱۰ مهر ۹۳ ، ۲۳:۳۲
باریش

دئییرلر گؤلمک مین درده دوادیر. سؤزوم یوخ،آما چوخ دردلرده وارکی گولمک له دوا اولمور. بیر قیسسا حیکایه دئییم گوله ک، سونراکی حیکایه ده دردلریزی دئشه جه یم اونا گوره ...

یاقوب دایی دئییر او خان خانلیق زامانه سینده هله خان هئچ اونون آتین ناللییان لار دا سئویردیلر کی اولارین آدلارینین آخیرینه بیر"خان" کلمه سی یاپیشدیرسینلار و بیچارا رعیتدن ده ایستردیلر کی اونلارین آدین دیله گتیره نده "خان" دئمه گی اونوتماسینلار!  بونلاردان بیریده ایسا آدلی بیر کیشی ایدی کی ادعا ائدیردی کی اودا خان نسلیندندی. ایسا کیشی نین ائوینده بیر ایستیکان چای دا تاپیلمازدی آما خانلیق ادعاسینداندا واز گئچمیردی!

دئییر گونلرین بیر گونو سیجیللی ایداره سیندن گلیب لر ومیللته سیجیللی (شناسنامه) وئریرلر. میللت صفه دوروب سیجیللی آلیرلار. ایسا کیشی جریان دان خبردار اولوب، ایکی الی دالیسیندا و سینه سین قاباغا وئریب صفه دورمادان گئچدی دوردو او دولت آدامینین قاباغیندا. بو دولت آدامی بونا بیر باخیب سوروشدو:آدین ندی؟ ایسا کیشی چوخ تکببیرلی و اوجا سسله دئدی: ایسا خان!

دئییر بو دولت آدامی سیجیللی ده آدی یازا یازا ایسایا دئدی: هه، ایته سوخان عمی!! ده ده وین آدی  ندی؟  یاقوب دایی دئییر میللت بو سؤزه بتر گؤلدولر و یازیغ ایسا کیشی ده سویو سوزولموش جاواب وئردی: اؤز آدیمی باییلتدین1 قالدی ده ده مین آدی!!

 1.. بیر ایشی آبیری ایله  باشا وئرمک

۰ نظر موافقین ۰ مخالفین ۰ ۱۰ مهر ۹۳ ، ۲۰:۳۶
باریش