آخشام اولوب قارانلیغا دوشموشم

آخشام اولوب قارانلیغا دوشموشم

گؤز یومولوب نادانلیغا دوشموشم

گونده منیم عاقلیما مین سؤز گلیر

آمما حاییف پوزانلیغا دوشموشم

هئچ کس ائشیتمیر سؤزومو آی هارای

اوزاق دوشوب اویانلیغا دوشموشم

دوزلوگه دوسلوق ائله دیم بیر زامان

دوز تالانیب یالانلیغا دوشموشم

قاردا کولکده اوچارام دونمارام

یئل سوووران بورانلیغا دوشموشم

چوخدا اؤزوندن دئمه سن ای(باریش)

دوم دورودان بولانلیغا دوشموشم