هرسحریاهرگئجه قانیم اؤرکدن گور داشار
قان دونر دریا اولار دالغاسی باشیمدن آشار
هی آتار بوردان اورا تسلیم اولان بو جانیمی
باغیریب فریاد ائدرکن یول یولاغیندان چاشار
بو گمی ایچره دئییرلر سانکی من بیر آمیرم
آمما فرمان الده یوخدور منده باشقا کس یاشار
قووزانار اللر سمایه تانریدان ایستر امان
باشقا کس سؤیلر: الین سال بو ایشی بیر سن باشار!
تانری اول اندامینا بویروق وئر اؤز قانادینا!
سن بوغولما اؤز ایچینده چون ایگیت عجزی بوشار
من بو دریانین ایچینده بیل بوغولمام ای (باریش)
بیر گوون واردیر ایچیمده باش و جانیمدان جوشار
